منتديات منابر ثقافية

ابن عمي
يعني جوا عروقه
دمي
يعني همه
هو همي
كنا صحبة
في ضهر جدي
عشنا شلة
تحت ضلة
م الحبايب
بتراعينا
صف تجمعنا الأماني
والأغاني
والحكاوي
مهما عني
تشده دنيا
لما بانده له
يعود
كفه حامل
ضي وردة
سندة للحلم النهار
الفرح ضيه ابن عمي
والسكن ضله ابن عمي
والرفيق في طريقي هو
وفي وجوده لي قوة
جوا قلبه ود لي
مهما نتخاصم بيصفى
نتحد ضد اي عاصفة
ابن عمي
عمره ما
ها يطيب له ذمي
تبتسم لينا الملايكة
لما تلمحنا بنطرح
غنوة للدنيا مناصفة
اللي بيني
وابن عمي
أقوى م الريح
والجسور