حملة تبرّع!
حملة تبرّع!
جاني صاحب من يومين، مشحون بأريَحيِّة يحكي إنو صاحبتو عِندها قِطّة محظيّة بس القِطّة مرضانه ولازم تمرق عملية تكلفتها بالدّولار خَمِسة آلاف وميّة.. بدّو مني التبرَّع ومَدِّ الإيد السّخيّة فَكَّرتو حابب يمزح، تاري القصّة جدّية... *** أنا عندي بجنابِ الدّار عشرين قِطّة نوعيّة بعدّة أشكال وألوان: سودا وشقرا وبُنِّيِّة، مرقّط ومخطّط كمان، وفيهن وحدة سياميّة... وكل عام الغَلِّة بنيسان فوج جديد وكميّة... *** في ناس بتصرف عَ بساس وبتخصّص ميزانيّة، فاكرين يعني كل الناس عايشين برفاهيّة؟ أنا جيبي على قد الحال، لا بُخل ولا سوء نيّة، شيخوخة ووقفة أشغال، لا في روحة ولا جيّة وحتى لو جيبي مليان، بختار الأولويّة أكسي شي ولد عريان وأبعد عنّو الأذيّة قبل الرفق بالحيوانْ اِرفق بالإنسانيةْ *** قال شو؟ قال بزعل مني وما بعود يحاكيني... يا أخي البقرة الرابطها خذها وحَلحِل عن ديني، على بسّة موجّع راسك ونازل تتخلّق فيّي أنت حرّ بإحساسَك، ما فيك تفرض عليّي. |
رد: حملة تبرّع!
لقد قلْتَها يا جورج
قبل الرفقِ بالحيوان علينا أن نرفقَ بالإنسانية المعذبة المحرومة المتشردة بسبب أطماع الظالمين وسياسة القوة جَوْرج أيها الرائع التقاطةٌ جميلة من تداعيات الحياة دام نبضُك الراقي :45::20::45: ودِّي و وردي |
رد: حملة تبرّع!
اقتباس:
أسعدني جدًّا مرورك العذبُ الجميل، أخي حيال. لكن ما قولُك في أن الصديق إياه، القائم بحملة التبرع لمعالجة القطّة المحظية، لم يرُق له امتناعي عن التبرّع، ولكون إنسانيّته خارقة بلا هوادة، فقد قاطعني من ذلك اليوم، وشطب اسمي من لائحة الأصدقاء في شبكات التواصل. هكذا هي مفاهيم الإنسانية عند البعض. لك شكري ومحبتي. :31: |
رد: حملة تبرّع!
اقتباس:
وخايف عالانسانيه وحياتك صار الحيوان بيسوى من البشر مية خلونا متل الحيطان ونسونا الآدميه الرجال معتر طفران وداير يتشحوَد ميه ..... القطه بتسكن صدر البيت بتاكل أشكال وألوان والجابع راجع عالبيت مدودخ كأنو سكران وابنك متولع مسكين بهنوده بنت الجيران بيحلم يخطفها بشي ليل بفستانا الأبيض ع حصان الشعب بيشقى حتى يعيش درويش بياكل درويش مو صايرلو الشنكليش بيضرب راسو بالحيطان ودورها ان كانت بتدور معتر حظك يا إنسان ناهد ...... |
رد: حملة تبرّع!
وهل الانسانية الا رحمة في القلب.. والقلب الرحيم يرق لكل ذي ألم أو حاجة ..
|
رد: حملة تبرّع!
اقتباس:
يا ناهد جاري مرتّب آخر حَد، ونا شاهد واعذري تأخري عن الرّد فقد كانت فترة استعصى علّي فيها دخول المنتدى. لك المودة غمارا. |
الساعة الآن 10:23 AM |
Powered by vBulletin® Copyright ©2000 - 2024, Jelsoft Enterprises Ltd.