منتديات منابر ثقافية

يمته تعود الي يا غايب اترجاك
يمته تعود الي شو طالت الغيبة
حضرت الفرح وحشمت هذا وذاك
وانته ولا اجيت وصرنه بالغيبة
يوم و ﮁم شهر وسنين عديناك
شنهي العطلك يا حيد يا هيبة
والله امي تذكرك كل صبح ومساك
وتحيي الي يدك الباب بالطيبة
اهلا بالاجانه ومرحبه وحياك
احنه اهل الكرم والزود والنيبة
وربعك لو اجو يمه انته وتلـگاك
وديون ومضيفك نفس ترتيبه
وبعدهي امي تـگل للضيف عد عيناك
وتحجي بمنطقك والتايه تجيبه
وبعدنه احنه اخوتك نمشي بمسراك
ونحجي بصيت اسم المو اله جيبه
ردت خويه كلهه وشنهي العطلاك
ما ترجع لخوتك يا اخو ذيبه
وكبر ابنك يخوي وثمر تعب رباك
وكبرنه احنه يخويه وحلت الشيبه
شخصك غاب عنه وغابت الافلاك
راح نموت خويه بحسرة وبخيبه
ونظل ننطر تجي ويا غايب الله وياك
ونرثيك بدموع وشعر تجليبه