يسألني البطران ليش وجهك اصفر
مايدري على المحبوب قلبي تفطر

الراء
شكرا ياعبد الامير لتواصلك الجميل
مودتي

رحت اشكي للنجمات آهاتي منكم
لكيت النجم والليل يقره بقصصكم
الميم
تحياتي أميرة الشاعرة

مبخوت أضل للشيب يافلان أذكـرك
أوينكرني نور العين من كون أنكرك

الكاف لكم احبتي
تحياتي عبد الامير لتواصلك الدائم

كَدّرتْ حب البيك شفته اعله كَدّي
وفصلت عمري افصال لجلك يودي
الياء مع التحية

ظل دز شعر واهات حُبـَّكْ مغلـِّسْ

لو صاحَب الشمّات لوفاكَِد الحِسْ

السين

سبحانه من سـواك نص وجهك إعيــون
إزغيــر سبيــت الناس من تكبر شلون


النون
اعتذر المتصفح غير جيد عندي
تحياتي لك ياعبد الامير
وين البقية !!!!!!!!!!!!!!

نامت كَلوب الناس بس كلبي ساهر
يسأل عله الغياب عن المنابـــر

الراء
تحياتي أميرة

رش الدرب تيــزاب حافي أعتـني لـك
جا شـلي بالرجليـن الما تجي لــــك


الكاف
تحياتي لك ياعبد الامير اينما كنت

كلما يمر طرواك تنحل اجدامي
إشلون اذا رديت بالنت سلامي؟!

الياء مع التحايا المخلصة
لأميرتنا

يل تحجي علمكشوف صارحني شتريد
مديتلك جفين شو غدرك ايزيد
الدال
تحياتي لك ياعبد الامير
والله بس انت تستاهل السلام
لانك متواصل معي
اما البقية
فياتون ليقروا ولايساهمو
عتبي عليهم كثير كثير
دمت بود وخير