منتديات منابر ثقافية

منتديات منابر ثقافية (http://www.mnaabr.com/vb/index.php)

- منبر الشعر الشعبي والمحاورات الشعرية. (http://www.mnaabr.com/vb/forumdisplay.php?f=6)

- - مسحراتي (http://www.mnaabr.com/vb/showthread.php?t=24610)

النية حلوة والسمعة فل
المهنة أدندن أصحي الكل
يوماتي حاجي أنادي
ماسك الطبلة وآلاتي
وبصوتي اقول واقوول
أوعاك يا صايم تمل
..
أصحى
..
مسحراتي .. مغنواتي
قبل الفجر تبدأ حياتي
ابتهالات ودقة
وبكل رقة
مع اسمك مع حكايتي
تحت بيتك أطل
..
اصحى
..
بعد الصيام والتراويح
بعد الصلاة والتسابيح
كل شيء في رمضان مريح
رمضان كريم والله أكرم
في السحور البركة تيجي وتحل
,,
اصحى
..
تسعة وعشرين او تلاتين
محبوسة فيها الشياطين
خليك يا صايم حكيم
داوم على الصالح لو قل
..
أصحى
..

داوي عمرك بالطيبين
عمّر قلبك مع المؤمنين
أحرص على الوقت الثمين
يعدي بينا ويرجع الحنين
يخلص الشهر والعيد يهل
..
أصحى
..

اللمة نعمة
واللقمة نعمة
والصحة نعمة
والرضا... نعمة
والشكر واجب لرب العالمين
..
يا رب بارك
وارزقنا الحلال
وصالح الأعمال
وبر العيال
وصحبة الصالحين
..
أصحى
..

طُهر النفوس
زهور تعطر قلوب الناس
قُبح النفوس
خبث وسواد ما ينداس
حصن لسانك
وعطر كلامك
وغذي روحك بالإحساس
..
أصحى
..

أصحى وصحي اللي جاي .. وكمل على اللي راح
الفجر لاح وقرص الشمس فاح
والزمن بيمد أيده
يهدي نوره للي في عمره براح
..
أصحى

أصحى وصحي اللي نايم
واللي عامل فيها نايم
واللي قاعد في الحرام واللي على الضلمة قايم
وواحد سرحان هناك
وواحد في خطى الهلاك
أصحى وصحيه معاك
بكرة أحلى لو يبقى صايم
..
أصحى