|
ذمه بركبتك هاي لو ميت اني
علكبر تكتب مات جي مانساني رح نتعبك اميرتنه الياء للي بعدي |
نايم طريح فراش يهذي بونينه
صاحبكم البكّاء ، ما كَِلْتو وينه ؟!! تحياتي لأميرتنه الغالية وأحمدنا القلعاوي المتألق دوما |
نرحب وبالبكاء يا هلا بتيمه انتم هو الطيببين واعذب نسيمه الميم شكرا عزيزتي تيمه شكرا عزيزي البكاء |
متعذبة روحي عليك بس حزني سكتة_
معقولة ماحسيت واحشني أنتة_ اهلا أ.عبد الامير سلامة قلبك واهلا بسحر الكلام منورين حبايبي الحلوين |
التاء يا اميرة المنابر تدري اشكثر مشتاكَـ لعيونك ابكَد ما دعت رب الكون امة محمد الدال مكللة بالود والمحبة |
دم ينترس ويفيض كلبي من الفراك_
أشهك بشهكت موت من كلبي يشتاك_ الكاف تحياتي مؤطرة بالورد |
كافي زعل يهواي زعلك قهرنه
غلطه وغلطنه وياك قابل كفرنه النون أقترح على أحبتي أن تكون المساجلة ليست بالحرف الأخير للدارمي فقط بل بالمعنى أيضا كجواب لمعنى دارمي أحدنا تحيتي ومودتي |
ندكابل انة وياك ببرة نحفر بير
ومن كونة يطلع ماي ذاك الحجي يصير الراء مع مودتي |
أقترح على أحبتي أن تكون المساجلة ليست بالحرف الأخير للدارمي فقط بل بالمعنى أيضا كجواب لمعنى دارمي أحدنا
تحيتي ومودتي العزيز البكاء شكرا لتواصلك الرائع والجميل وماقدمته من مقترح هو طيب وهنا اقول لك وللجميع نترك الامر للمشارك في ان يكون رده على المعنى مع حرف الروي او بحرف الروي فقط لأن بعض الاحبة المشتركين لا يمتلكون قدرة التاليف مثلا او هم غير شعراء قد يكونوا لذلك نترك الامر لهم وشكرا من القلب لك تحياتي ومحبتي |
اقتباس:
مرهونه من الشوكَـ شو جنها بيدك الكاف ك |
جواب أميرة / حرف الراء
روحي ونشدي الناس لو شفتي مثلي كلبي بكرك حفروه وما عفت خلــــــــي الياء يا مشرفتنا الكريمة |
جواب أخي وحبيبي أحمد /حرف الكاف
كلما أفكر بيـك جذاب أشوفك رد كلبي أول لا هساع أعوفك تحياتي المغمسه بالورد والياسمين |
گالو تشوف أحباب من ترف عينك_
رفت عليـك الروح بس أنته وينك_ الكاف ايضا مودتي للجميع |
كونك تجي وتشوف كَلبي ورفيفه
جا كِلت راح ايموت لحد يعيـــــفه الفاء مودتي للجميع |
فرمتت كل الروح من حب الاوهام_
واول إسم حطيت أسمك على الرام_ الميم تحياتي مع الورد |
مادام رامك هاذ امنظف ومغسول
ليش امْنَ ادك اعليك ايكلي مشغول اللام |
لا مسج لا مسكول عبالي مفلس_
بس ادري كلش زين لوتي ومغلس_ السين شكرا يااستاذ عبد الامير لتواصلك الرائع مع مودتي |
سُوله وطبع هــــــل بيك تتهمني باطل
عاشك وعندي فلوس بس خطي عاطل تحياتي أستاذه أميره |
سُوله وطبع هل بيـــــــك تتهمني باطل
عاشك وعندي فلوس بس خطي عاطل اللام مع تحياتي المخلصة |
لاتخسرالسنتات رمشلي ترميش_
حبك نبت بحشاي فلشني تفليش_ الشين |
شرجي او تلملم غيم وشتد مطرها_
روحي اشتهت ملكاك من فلك طرها_ الهاءءءءءءءءءء وينكم ماكو احد ايشاركنا المساجلة يبين رح نبقى بس اني وياك ياعبد الامير تحياتي لك اينما كنت |
هذا الوكت غدار خلاني وحدي
أكتب ونوح اعليك وجروحي تدي الياء/ مع تحياتي لك سيدتي الكريمة |
يابعد ضي العين لا تظن وحدك
العكَل والدلال مو تدري عندك الكاف ومحبتي لكم |
كل لحظه أفكر بيك كل ساعه كل يوم
حتىمن أغمض العين تطلعلي بالنوم الميم |
مو بس حلم وتروح وبيقضه والكَاك
وي كل نفس موجود وبنبضي . انساك ؟ للكاف نصيب تحياتي ومحبتي |
كونالعراق اليوم يلتم وراويه
اسمك حًًَفر بالروح منهو اليساويًًَه وتدللونَ |
يا شوك وين أرحلت وين الزمن وداك_
أن جان گلبك نسه گلبي فلا ينساك_ اهلا تيمة العزيزة الكاف مع مودتي |
كلما أحس الكلب ألكاك بيه ترفس
معقوله ينسه الولف وبنصه متكربس السين أختنا أميره |
سـلَم ولَو بالعين تكفي الإشــاره
روحي إبتلت بهواك .. سويلي جـاره وكان **** الهاء **** نصيب اللي بعدي |
هذا الحجي معروف بس للدعايه
أشّرتْ _ ما حسيت _ و من البدايه الهاء أيضا |
هاك الكلب والروح بــــــس خذني يمك
مايطفي نار الشوك إسمي ويه إسمك الكاف مع التحية |
هاك اخذ روحي وياك بس حطني يمًّك
ما يطفي نار الشوك إسمي ويه إسمك الهاء |
عبد الامير
الكاف لو الهاء يبين تخربطت عليك |
كون أفتهم شتريد وشنهو أنت رايد
نضراتك حجايات تسوه الجرايد الدال لكم احبتي |
دلالي من فركاك خلاني ماشوف
من كثر خوفي عليك تيهت الحروف الفاء مع الإعتذار أميره القديره |
فززني گلبي وكال وديني ليهم
مشتاگه روحي أتنام ما بين أديهم الميم شكرا لتواصلك اخي عبد الامير |
مو مثل كلبي الشاب ، فزاته خرعات
لو للصبح سهران لو عنـــــــدك يبات التاء مع التحيات |
تمنيتك السفان وانه السفينة
وسكته اعله وجه الماي نكتب حجينة النون |
نكتب حجينه اشلون والكلب بابه
ما خفت مِلْشمّات تقره الكتابه ؟! الهاء عذرا للتأخير بسبب إصابتي ب( القَنْزَه وَنْزا ) كما كانت تسميها جدتي رحمها الله |
هاك استكانة جاي أشرب عوافــي
أو دزيته لك مخصوص يامايه صافي الياءءءءءءءءءء |
| الساعة الآن 08:49 PM |
Powered by vBulletin® Copyright ©2000 - 2024, Jelsoft Enterprises Ltd.