منتديات منابر ثقافية - أضراب دود المقابر

[ دراسات وبحوث لكشف الامراض ــــــــــــ تسويهه الدول لو شافت الزام

مرض تفخيخ عدنه وماله دكتور ـــــــــــ جملة علة البشر من يحكم اعدام

وكفاءات التحملة ومن كفاءات ـــــــــــ دكتوراه عدهه بفن الاجرام

من ركب العروبة ودرسوا الدين ـــــــــــ بمدرسة أل امية لهدم الاسلام

أنواع المفخخ عدنه موجود ــــــــــ سيارات عدنه وعدنه ألغام

وقبل معروف عدنه وسعره الفين ــــــــــ يبيد وينكطع ونشده بسيام

مايحمل نعته نعبره بهداي ـــــــــــ هسه حزام ناسف صار الحزام

ولو حاليا اصبح سوكه موزين ــــــــــ مايكدر يطيح ذيج الارقام

هسه علة التناكر والحمل سوك ــــــــــ يمك تنفجر متحس بالالام

ولاضغطة كبر لحد يمر بيك ــــــــــ مألف للقيامة وقافل الجام

ويرد وعيك ألك وتفتح العيون ــــــــــ بعد يوم القيامة بسبعتيام

أخذ دود المقابر سوه اضراب ــــــــــ شي شالت صور شي شالت اعلام

جان من الجثث يتخير الزين ــــــــــ هاي شكم سنة ولا شاف العظام

كتب قطعة جبيرة شناكل تراب ــــــــــ للأرهاب كلا وكل الاقزام

معروفة تبخر بس الارواح ــــــــــ بس الموت عدنه يبخر الاجسام