فى عينيكى كنت شايف
الف عاشق والف خاين
منك كنت بهرب
خايف من حضنك أأقرب
يتهموني بالخيانه
وانتي في قلبي العين والننى
ازاي أخونك وانتي أمي
آآآآه يا أمي
شفت سواد الليل بيخبى
ايد الغدر بتقطف فرحك
صلبو صوتي قدام عينيكي
في سجن خوفي قيدوني
عنك عايزين يبعدوني
آآآآه يا أمي
شفت ليلك حزن وحيره
شفت شمسك في حضن الظلام
شفتك بصالي بعيون حزينه
قلبي بكى قدام عينيه
ناره قادت جوه مني
نار بتحرق حتى الميه
حفرت جوايا بضوافري
شنقت خوفي جوه سجنه
وحبي ليكي حرر صوتي
عصفور وطار بألف جناح
وسط الميدان حط وارتاح
جوه عيونه ساكنه ملامحك
فيها شايف آلمك وجرحك
حالف ما يرجع للطريق
قبل ما يرجع ليكي حقك