الموضوع
:
نفسك انته
عرض مشاركة واحدة
احصائيات
الردود
5
المشاهدات
4134
ميثاق قاسم
شاعر وإعلامي عراقي
المشاركات
24
+
التقييم
0.00
تاريخ التسجيل
Jan 2009
الاقامة
رقم العضوية
6215
11-24-2010, 03:24 PM
المشاركة
1
11-24-2010, 03:24 PM
المشاركة
1
Tweet
نفسك انته
نفسك انته
نفس اعيونك نفس المعصم
نفس الآه
ونفس اجروحي الي ماتلتم
من اشتاكك حيل اتألم
تعرف ليش اهوآي اتألم
صادق حيل وياك احساسي
وانته اتخون وما تتندم
كلشي انطيتك
كون ادعي بخير ويآ ريتك
كون الروح اكلآده بصدرك
يآريت اتصير ابترجيتك
من تتنفس اسمع همسك
عنبر يالغبت وتانيتك
لآ يمي وحتى اسمع صوتك
لآ اعرف قصدك لآ نيتك
نفسك انته بس متغير
بس نفس الحب الحبيتك
لو من أول جانت ارحم
تغدر ماضنن تاليتك
عشت وياي بجسدي بقلبي
اتريد اتغادر ما حسيتك
وين اتغادر وانته كياني
وانته بقايا العمرالباقي
انته اوراقي
انته الدمعه
آخر دمع الظلت مشدوده بأحداقي
انته الشوك اليحرك بيه
من راسي لحد اخمس ساقي
تايه صرت بنص الصحرا
ميت عطش وانته الساقي
وشحيت الماي التانيته
ظنيتك تغمرني ابعطفك
ظنيت اشكد وظنيتك
بس ما ظنيتك تجرحني
انه وجرحي اشكد تانيتك
جرحي الأول قرب يشفه
بيك احتار وعآيف نزفه
وانته الآليت ومآ عفته
جبت الجرح الثاني هديه
قصدك تمسح كلشي البيه
نفسك انته
بس مو نفس الطيبه الكانت
لآ مو هيه
رد مع الإقتباس