السلهمه ومعانده وسكوته
راكب اللي موتر من واردات الناغي =مثل طير في الهواء خفاق ولا حوته
يوصلك للي مهو مطفوق ولا طاغي=شخص لامنه هرج ماكن تسمع صوته
الخلوق اللي لغايات المزايا باغي=مالك (ن) زين الملامح والشفايف توته
غايتي رغبة فؤادي مير غيره لاغي=صورته فاقصى الضماير والحشا منحوته
شخص لامنك لمحته خاف منك وراغي=الحيا طبعه ووصفه كنه الياقوته
مالك (ن) زين المفاتن والجمال يناغي=تهت بين السلهمه ومعانده واسكوته
خالقه رب (ن) حكيم جل من هو صاغي=اشهد انه هو دوا قلبي وهوه موته
عبدالله سعد الحضبي السبيعي
للغزل والقافيه والشعر شاش دماغي= والسبب عبدالله الحضبي وسبك بيوته
قمت أصفق وارفع عقالي واطش شماغي= للأدب والفن والنعات والمنعوته
القلوب الخضر لا تفدغتها تفداغي= تستعيد أغصانها واوراقها المحتوته
أزهرت واستنشقت ريح العبير الساغي= مع كنين أنفاسهاوآهاتها المكبوته
ذاكرة راع الهوى ماتقبل الافراغي= رقمها السري تبرمج واختفى ريموته
ملك حصري للحبيب اللي جماله طاغي= شايله وسط الحشا ماهو بمخبا كوته
ياترى يقدر يجيبه حظي المتصاغي= قربه الجنه وبعده قنبله موقوته
مفرح بن عبدالله بن بداح السبيعي