السلام عليكم ورحمة الله وبركاته يشرفني الانضمام اليكم وهذه اول مشاركة لي في شعبيات المنابر الثقافية
لكم مني عطر يغطي السحب والنجوم
[GASIDA="type=2 title="خاواني السراب" color=#0033CC font="bold x-large 'Traditional Arabic', Arial, Helvetica, sans-serif""]
حدني حظي وعاكسنـي القـدر=وانتهى حلمى وخاواني السـراب
من دها بي ظبـي ربيتـه نفـر=ذللت في مسلكه كـل الصعـاب
امشي وسط الناس ما كني بشـر=هامش مهجور في حلـة كتـاب
ياجزيرة يابسـه وسـط البحـر=مابعد جرحي من العذال طـاب
وياغـزال تايـه بيـن الشجـر=خطوتي لا تخدعك وسط الزهاب
عيش وحدك وابتهج حتى شهـر=لوفعلت اراه انا عين ال صواب
اعرف انك من توسـم بالحـذر=وادري انك فاطن كيـد الذئـاب
ماهقيتـك يـوم يغريـك المهـر=تجهل الماضي وحبي والعـذاب
للاسف اشعلت في قلبي شـرر=وافضحتني بين اهلي والصحاب
كنت قصة مـا يغيرهـا الدهـر=وانا بصمة جبت للتاريـخ بـاب
وكنت اشوفك زهرة غير الزهر=وكنت اشوفك نجمة فوق السحاب
الذهـب شتـان بينـه والمـدر=وانت بالله كيف ما تحسب حساب
لاتعذر لـي انـا مااقبـل عـذر=مايهز الرأس هرجـك والعتـاب
بسأل العشاق كيف انسى الغـدر=وفي عيون الفاتنات القى الجواب
كن طيفك ماعلـى بالـي خطـر=واستريح بطول هجرك و الغيـاب
[/GASIDA]
صالح العجمي