الموضوع
:
قصائد شعبية رائعة لشعراء مبدعين
عرض مشاركة واحدة
06-05-2016, 04:08 PM
المشاركة
4
حميد درويش عطية
من آل منابر ثقافية
اوسمتي
مجموع الاوسمة
: 4
تاريخ الإنضمام :
Dec 2009
رقم العضوية :
8249
المشاركات:
29,962
قصيدة إلعب للشاعر مظفر النواب
ابچي من زودة حلاتك
وابچي من واهس الساني
بطاري ذچرك
موبديه ...
ماذكرتك الا من كل ضيجه
من ضيجات خلگي ...
وزينه من زينات ذاتك
ليش گلي استعجلت ؟
والروح مرهونه كلبدون ابعباتك
انه بيه امنل دعه ...
لطولك الف ورگة عنب
وارجه گربك بالتهجي
وروحي تباعة ذهب
بالحلم ختيله تلعب
بالحلم وياي چنك
وانته بحساب الورد ...
لنك ورد من لزمه تتعب
يلي نايم على طولك
تشتعل مثل الگلاده
خرزه ليلو او خرزه كهرب
او خرزه ماتنحچي اوتلعب
گدرت طولي اعله طولك...
وانته كلما اتساهلت وياي تصعب
يلي حسنك فوگ حسن الناس
كل الناس ...
شمرة عصى اوبيك اشويه ملعب
العب العب ...
بويه العب
يا بعد خالي ...
عليك الحمزه ابو احزامين تلعب
انه تندگ روحي هلهوله اببسامير
امنشوفك ويه كل الناس تلعب
وانته گلبك ينكسر مسقوله واطيب
نشدوا الوادم عن اوصافك
گلت احسن وصف يفلان تلعب
************************************************** *********************
حميد
عاشق العراق
5 - 6 - 2016
معكم ألتقي ............ بكم أرتقي
رد مع الإقتباس