لا ترجعين الدمع حقه عــــــــــــليج
صار مده مفاركج بس ليـــــــــــــــله
لا يعيني شبيج خطار ولفـــــــــــاج
حاتم لكل الشدد جنتيلـــــــــــــــه
ما اعذرج لو نسيتي اتذكــــــــــريه
جان روحه تسيل من تشـــــــكيله
حلفج بالراح من عمرج ســــــراب
بيا مصيبه يحلفج ترديــــــــــــــــله
انواع عدي دموع شياب وجــــهال
وعندي دمعه الما رضت بالعــــيله
تنزل الوحدها تحرسلي العيــــون
ويا حزن مستاحش تلولــــــــــيله
وهاي دمعه بعيني موقفها عجيب
ما فهمته استغربت تحليلـــــــــــه
تكلي خاف بيوم ننشف لا تخاف
الغالي عدنا جروح ونخليـــــــــله
ولو يموت الدمع لتصدك محــــــال
المات عده اطفال ونربيلــــــــــــه
[all1=#961515]
رعد الفريجي
[/all1]