الموضوع: رجف تالي العمر
عرض مشاركة واحدة
احصائيات

الردود
2

المشاهدات
3810
 
رعد الفريجي
من آل منابر ثقافية

رعد الفريجي is on a distinguished road

    غير موجود

المشاركات
11

+التقييم
0.00

تاريخ التسجيل
Sep 2011

الاقامة

رقم العضوية
10420
09-17-2011, 10:03 PM
المشاركة 1
09-17-2011, 10:03 PM
المشاركة 1
افتراضي رجف تالي العمر
رجف تالي العمر واتعكز دمــــــــــــوع
ومشى بهيئة مذله ابين العــــــــيون

رفع راسه الكلب بس بعده بالـــــكاع
ما يكدر يواجه شــــــــايل ضــــــنون


عمت عين الشوارع طشت النـاس
شعجب عينك تطش ويا اليطشــون

سحك روحه العلم من شاف الشراع
صبح اول ضحيه ويا اليغركــــــــــــــون

أميز ضحكة الشامت بعدويـــــــــــــن
مات احساس اذاني من اليضحكون

عندي اسنين ظلت صنم علـــــباب
تتاني البسمه باجدام اليــــــدفنون

شريعة غاب صاير جف الاحــــــــباب
عجيب شلون جف وشايل ســـنون

بحوافر خيل هجرك دست الدمـــوع
عفت جثة عيوني بغير مضــــــمون

على موادع شجر لاتســـــأل اوراق
شوف الكاع شالت طبع مجـــــنون

العليه اثار لوعه يبين بســــــــــــاع
بدموعه الشيب ينزل يحرك الكــون

وانا لوني غريب ودمعي مجهــــول
ما ينزل ولكن باقي مسجـــــــــون

كل حسره بغيابك دون تحـــــــــــديد
نصبت بيه ماتم لليصفــــــــــــــنون

على مكابر طعن لا تظـــــــــلم الاه
خل تطلع سجينه بغير قانـــــــــــون
@@@@@@@@@



التعديل الأخير تم بواسطة رعد الفريجي ; 09-17-2011 الساعة 10:04 PM سبب آخر: ارغب بتوسيط النص